KALECIWAN

Bedlîsa rengîn, demek ji deman

Rewsa welat bû bi sal û zeman

Ew serbixwe bû, aram û rizgar

Bi mîr û wezîr, neqîb û mixtar.

BEDLIS

Bedlîsa rengîn wextek ji wextan

Bi xeml û xêz bû ji tac û textan

Bi fermanrewa, melîk û mîr bû

Meclis û dîwan, lâl û wezîr bû

Artês û serdar, lesker û serbaz

Warekê azad rêk û pêk û saz

Artêsek xweser, nîzamek hemdem

Kurdên qehreman, pismamên Ristem

Leheng û sêrbûn, pilingên bê tirs

Bi ilm û zanîn, bi saristanî

Xwendin û huner, him bezirganî

Bi ilm û rim û sûr û gurz

Jiyanek azad, xweshal û aram

Gis serbilindbûn, ci mîr ci xulam

Bedlîs serbajêr, navenda welat

Bi mûs û Xinûs, Motkan û Xelat

Sîmek û Baykan, Kawar û Karêz

Ew gund û bajar, hemî rêz bi rêz

Warek dewlemend, jîr û tor û têr

Sad û bextewar, kec û jin û mêr

Welatek gewre, xêrdar û zengîn

Bi mêrg û cîmen, behîsta rengîn

Wek Desta Mûsê wan rêzegundan

Tev zad û debar, kîlera Kurdan

Kavar û Sîmek, Xelat û Karêz

Bi bax û bostan, pawan û parêz



Mêrg û kanîne, candin û cêre

Welatê Roskan gis xêr û bêr e

Serefdîn, Nemrûd, Sîpan, Bilîcan

Ew dicêrînin, keriyên miyan

Zozanên Roskan bi nav û deng in

Ciya û banî tev renga reng in

Ew diêwrînin pez û dewaran

Enbara qût û pût û debaran

Xwedî dikin ew celeb û tersan

Zozanên bilind, rûbarên ersan

Candin û cinîn, xwusênên cotan

Dasûk û tirpan, alet û kotan

Tevr û bêr û mer, bi das û werîs

Bend û zevîbûn, Baykan û Bedlîs

Bostanên Kurdan, ew bi hezaran

Didan sazkirin li van aqaran

Dixebitandin Ermen û Azer

Esfexan, Tebrîz, disandin rêncber.

Ew dixebitîn bi sîrb û deman

Kurd xanedan bûn, nedibûn cenan

Serê biharê heya payîzê

Rêncber dihatin ta ji Tebrîzê

Rêncberên Kurdan Azerbêycanî

Hin Nehciwanî, hin Esfexanî

Cenan dihatin ji Esfexanê

Rêncberên Roskan, li Kurdistanê...

Ne li qamê bûn, fêkî´w zerzewat

Him dexl û dan û dos û beqliyat

Bi dims û sîre, bastîq û xarûz

Sêv û zerdele, hermî û grûz

Hêjîr û tirî, him xewx û karcîn

Guz, beyîv, bindeq, bênok û darcîn

Qawin û petîx, dêmik û zebes

Silor û gilyaz, sabelot res

Gurz û dêz û lod, kadîn û kewar

Kîler û cal û tedbîr û debar

Gayên zehmetkês, beygîr û gamês

Hêstirên hêzdar, zîrek û barkês

Hesp û mehînên celeng û rehwan

Dengê bilbilan, qebgebên kewan

Rovî û kivrosk, kûze û werseq

Xezal, pezkûvî, pilingên deq deq

Ci heywan henin kuvî û kedî

Temam mewcûd bûn li vî beledî

Qût û pût û mût, kut û dexl û dan

Qersûn û kupik, dene û sindan

Kulav û palas, mehfûr û mêzer

Bi sifr û sênî, bergês û lenger

Têr, cewal, xirar, bar, barxan, bendek

Kewar û enbar, mal û xizênek

Bi gost û qelî, qeymaq û tewas

Hengiv û nîvisk, kade û lewas

Halxwes, bextewar, gundî, bajarî

Bê tirs û xeter li vî diyarî

Bi kêf û henek, dîlan û govend

Bi vîn û astî, yekdil û yekbend

Lawîj, bêlîte, Cîrok û stran

Bi Sêx û Melle, Kese û Mitran

Sivan û gavan, gundî û rêncber

Hoste û pispor, zane û rêber

Bajarê qedîm, bi sazî û sêr

Bi xwendegeh û bi mizgevt û dêr

Avasaziyêk hemdemê wextê

Evliya mest kir evê paytextê

Bi sûk û bazar, bi cad û kolan

Bi xan û hemam, qonax û dikan

Bi burc û kelat, bi gor û gunbet

Bi rê û rêbar, tenzîm û xizmet

Xan û medrese, dergah û seran

Xemla xwe dabûn hemlî deveran

Ne xwurtî hebû, ne zilm û zorî

Ne talanbarî, ne jî cavsorî

Warêk aram bû ev der û dever

Tacir diborîn bê tirs, bê xetar

Gerok, misyoner, herkes diborî

Emîn û aram, Welatê Jorî.

Ji Hind û Cînê û Tirkistanê

Bê xem diborîn li vé stanê

Nîzamek adil, tenzîmek pir bas

Daborên Bedlîs, dimarane sas

Bi zagonî û ferm û civatî

Hîc xeter nebû li vî welatî

Hikmekê adil, saziyek rêzdar

Bi qazî, miftî, wezîr û mixtar

Bi dad û yesa, bi irf û adet

Li warê Roskan, heq û edalet

Kese û Petrîk, Melle û Neqîb

Bi soz û bi bext û bi rêz û tertîb

Cihû û Ezîd, File û Mislîm

Gis xwendevanbûn, zane û alim

Hemî dixwendan zarên zikmakî

Serbest û azad, mafên civakî

Gis xwendevan bûn, cavtêr û bê tirs

Him xwesexlaq bûn, him merd û muxlis

Sinet û huner, kolan û lêger

Bi cehd û xebat, bi rêz û tevger

Ev rews û ev hal bi sal û salan

Dom dikir dihat ji bab û kalan

Bi xwendevanî, him saristanî

Hemwelatî bûn gis bi dostanî

Bi al û bi ol dirav û dînar

Saziyêk mezbût, bi bês û bi tar

Mesîh û Zerdest, Mûsa û Ehmed

Gis Kurdistanî, gis zorakên Med

Serbest û azad, hemî ol û dîn

Bê buxz û hesed, zikresî û kîn

Dizî û bertîl, sêlan û talan

Kes nedibihîst ji bab û kalan...

Kela Bedlîsê û keleyên pêva girêdayî

Kela Bedlîsê kevn û kevnar e

Ew zor bilind û gelek hesar e

Hîc sibhe nîne, Kela Kurda ye

Derge û tabya Uraatiya ye

Dibe ku Hûrî, an jî Mîtanan

Ava kiribin kelat û xanan

Wan ava dikir birc û kelatan

Dijmin didizin ji me mîratan

Mezopotî ne em li jêr û jor

Guhên xwe nedin sevsecokên kor

Qala me nakin cavnebarên me

Dîrok ketiye dest neyarên me

Natine vira Makedonên hirc

Wan cênekirin ev kelat û burc

Oral Iskender bi Bedlîs neket

Ji Babilyonê virda derneket

Bi vi û derew, hizr û riwayet

Eserên giring gis para wî ket

Hinek dibêjin kû pêxember e

Rastî ev e ku ew xwes lîder e...

Kela Bedlîsê Kela Kurda ne

Senbola Roskan, remza wetan e

Hingî kevirên taq û dîwaran

Roskî serî dan, nedan neyaran

Bi hezar salan me wê xwedî kir

Vê yara bedew bo xwe kedî kir



Mîrê Bedlîsê ´Mîrê Mîran e´

Bi tac û bi text, bi nav nîsan e

Bedlîs merkez e, Mîremîrek e

Paytextê Roskan, Kela Serek e

Kela Mûsê û Xinûs, Xelatê

Sîlîm û Silh û Siw û Rabatê

Kêfendûr, Marsa, Fîroz û Kelhok

Xwêyt û Okhan û Kawar û Amork

Paxnad û Tûx û ya Axtemarê

Surp û Kelecîr, Tatik, Gulxarê

Kewas, Zerdelan, li arê jor in

Karcik û Kêsan û Tap û Por in

Ji van pêva jî henin baregah

Parêzgeh, meqer, niqte û dergah

Li wan rûdnistin; mîr, emîr, dîzdar

Beg û axa û aqa û serdar

Mezin û rûspî, rêber û pêskês

Tacir, sêx, melle, zane û derwês

Serekên gundan, zaneyên pispor

Ich digirtin ew li dîwana jor

Disêwirîn ew bi rêz û meclîs

Bi ilm û zanîn bi dilek xalis

Bi bernam û pêsniyar û biryar

Wek dewletek serbixwe û mixtar

Rêvebir, siyasetzanên wextê

Pir giringî didanê siyasetê

Dihejandin fersend û îmkanan

Dostên Sah û Emîr û Siltanan

Weka Sercoqî û Eyûbiyan

Tirkmen û Teter û Sefewiyan

Osmanî carsedsal Kurdan pejirand

Nîzamacedîd (!) peymanê dirand

Ev kel û hesar gelêk pîroz in

Star, parêzgeh, ceper û koz in

Kurdno bizanin qedrê Bedlîsê

Alem ev rastî gis dinivîsê...